CNRT Konsolida Iha Baguia, Militante Suku 10 Apoiu Xanana

Josefa Parada - Segunda, 29 Novembru 2010 - SUARA TIMOR LOROSAE

BAGUIA— Lider Partidu Congressu Nasional Rekonstrusaun Timor Leste (CNRT), hamutuk ho Fretilin Mundansa, inklui mos membru governu Sabadu (27/11), halo konsilidasaun hodi hametin Estrutura partidu nian iha Sub-Distritu Baguia, Distritu Baucau.

Iha konsilidasaun, Sekretariu Jeral CNRT, Dionisio Babo, ho Presidente CNRT Distritu Baucau,  Francisco Guterres no VIce Sekretario Geral CNRT, Jose Fo Laran, Deputada, Benvinda Catarina Rodrigues, Januario Soares hamutuk Kordenador Fretilin Mudansa, Victor da Costa, Vicente Maubuse, inklui membru Governu, Sekretariu Estadu Defeza (SED), Julio Tomas Pinto, Sekreatariu Estadu Segurasan (SES), Francisco da Costa Guterres, ho Avelino Coilho fo posse ba koordenador CRNT husi suku 10, iha Bagia.

Suku 10 ne’e prontu no fo fiar nafatin iha maun Bo’ot Xanana Gusmao, tanba iha konsolidasauan partidu CNRT, programa barak mak IV Governu Konstutusional halo mudansa iha area defeza ho seguransa. Ne’eduni militante no simpazentante sujere ba lider CNTR atu esforsu an, karik iha eleisaun Jeral 2012 CNRT mak kaer ukun.

Iha oportunidade SED, Julio Tomas Pinto hato mos nia esplikasaun, katak iha governu anterior dezenvolvementu F-FDTL nunka lao, bainhira halo lei iha nia ulun mak konstituisaun RDTL Artigu 146 hodi koalia kona ba F-FDTL no nia ain mak lei organik, maibe lei atu regula forsa no disiplina laiha.

Nia reforsa tan katak iha, governu anterior mos halo lei ida deit, bainhira F-FDTL uja farada hodi kaer kilat liu husi populasaun hodi hatauk populasaun, maibe laiha lei atu regula sira. Nune’e mos lei ba promosaun laiha, inklui mos dezenvolvementu rekursu umanu ba iha F-FDTL.

Iha oportunidade ida ne’e SES, Francisco da Costa Guterres koalia mos kona ba dezenvolvementu ba iha instituisaun PNTL. Tuir nia katak bainhira IV governu konstitusional ukun iha instituisaun PNTL rahun, tanba iha governu anterior politiza liu polisia, no polisia sai hanesan instrumentu ida atu servi interese politiku. Ne’eduni, governu ne’e xefi husi Kay Rala Xanana Gusmao iha nia politika atu hari fila fali komando liliu komandu Jeral atu kaer fila fali komando ida ne’e. Iaos ida ne’e deit, maibe reforma mos ba iha unidade PNTL, balun, hadia salarial, halo lei promosaun ba iha PNTL tomak.

Bainhira rona tiha esplikasaun husi m embru governu no mos lider partidu CNRT, militante ho simpazentante sente haksolok no sira fo nafatin votus iha eleisaun 2012 hodi apoiu ba Xanana atu lori kareta ida ba to iha rohan. Oscar Salsinha