Dudu: La Kleur Tan Ita Sei Hatene Se Mak Veteranus no Se Mak La'os

Written by Costa Gomes Monday, 11 April 2011 06:59

Ermera flash, Eis Komandante FALINTIL Rejiaun IV, Ernesto Fernandes alias Dudu apela ba veteranus hotu iha Timor Laran liu – liu iha distritu Ermera atu pasiensia hodi hein publikasaun naran ne'ebe sei halo la kleur tan.

“Lista naran ba veteranos sira sei taka iha  fulan abril ne'e, tan ne husu ba veteranos sira iha distritu Ermera laran tomak ou iha TL laran tomak atu  pasiensia hodi hein” Dudu apela.

Tuir Dudu katak molok naran ne'e taka sai, ekipa ida husi nasional sei mai halo verifikasau hodi hatene se mak veteranus no se mak la'os veterano.

“Sedu ou tarde ita tenki hein, ekipa ida mos sei mai verifika se mak veteranu no se mak la'os veteranu” Dudu reafirma.

Husu ba se mak fo naran hanesan veteranus ba ekipa ne'e karik tenki ho honestu, tanba sasin barak mak sei moris.

Paulino Monteiro Babo alias Maubili no Brigida Martins alias Luhu ba CJITL online   hateten katak iha Ermera ita koinese malu,se maka Veteranos lolos no se mak la'os.  (Costa Gomes /CJITL Ermera)