Folaran : Partidu CNRT la’os Partidu Semanal

Thursday, 22 September 2011 16:37 Written by M X

Irabindecima- Partidu Kongresu Nasional Rekonstrusaun Timor Leste(CNRT) hanesan Partidu polítiku ida la’os partidu temporáriu ka Partidu semanal.

Relasiona ho ema balun dehan katak Partidu CNRT ne’e hanesan Partidu provizóriu ka Partidu semanal deit bainihra ninia misaun hotu Partidu ne’e sei taka.

Maibe tuir Vise Sekretáriu Jeral Partidu CNRT, José da Silva(Folaran) iha Sábadu(17/09) semana  kotuk iha Suku Irabin-Decima hateten katak Partidu CNRT ne’e maka hamrik iha tinan 2007 ne’e mos partidu sira seluk ne’ebé maka ejiste iha Nasaun foun ida ne’e.

“Ema balun dehan Partidu CNRT trazitóriu, nia moris iha situsaun ida ne’ebé bainhira situasaun diak ona Partidu ne’e sie lakon ida ne’e lalos. Bainhira partidu polítika ida ne’ebé maka rejistu ona iha Tribunal Rekursu ne’e partidu  legal, bainhira partidu polítiku ida lakon ne’e nia la asentu iha Parlamentu Nasional” dehan Folaran iha Irabere Sábadu (17/09) semana kotuk.

Vise Sekretáriu ne’e mos subliña tan katak Partidu CNRT la’os hanesan partidu kiik oan sira seluk, maibe Partidu  CNRT iha ninia vizaun no objetivu ne’ebé maka forte teb-tebes atu dezenvolve rai ida ne’e la hanesan partidu sira seluk.

Nune’e nia husu estrutura tomak iha baze lalika fiar boatu sira  ne’ebé maka  mosu iha rai laran oin-oin atu mantein paz no estabilidade iha rai laran.

“Hau husu ba estrutura tomak Partidu CNRT nian husi nasional too iha baze katak  lalika fiar ba voatu sira ne’ebé maka agora dadaun komesa espalla iha rai laran no ita tenke mantein harii paz no  hametin estabilidade  rai ida ne’e” Folaran hateten.

Partidu CNRT mos fiar katak iha eleisaun jeral 2012 sei la mosu tan konflitu ruma iha tempu eleisaun, bainhira konflitu ruma mosu iha ita nia rain entaun Partidu CNRT la’os hanesan  partidu polítiku ida.

Smith: Husu ba militante sira iha Irabere atu mai hamutuk ho Partidu CNRT luta ba dezenvolvimentu

Wednesday, 21 September 2011 16:22
Written by M X

Irabere- Vise Prezidente Partidu Kongresu Nasional Rekonstrusaun Timor Leste (CNRT), Virgilio Smith  husu ba militante Partidu nian iha Irabere atu mai hamutuk  hodi luta ba dezenvolmentu.Vise Prezidente Partidu CNRT, Virgillio Smith husu ba militante Partidu CNRT nian iha Suku Irabere atu mai ita hamutuk hodi luta hasoru mukit no kiak.

 

“Ulik ita iha tinan 1999 ita liberta ona ita nian patria husi invazasun Indonézia no agora ita atu liberta tan povu husi mukit, kiak no terus oin-oin ne’ebé maka agora dadaun infrenta hela” dehan Smith iha Irabere Sábadu (17/09) kalan. Vise Prezidente ne’e imforma tan katak bainhira ita nian Prezidente Partidu CNRT  no atual Primeiru Ministru, Kay Xanana Gusmão sempre hateten katak ferik no katuas sira maka tenketau proridade liu “bainhira ita nian Prezidente Partidu CNRT, Kay Rala Xanana Gusmão hateten haesan ne’e ita tenke atensaun liu ba ferik, katuas no veteranu sira tamba sira maka agora ita sai Nasaun independensia, ferik, katuas sira husik sira nian oan sira terus, husik sira nian oan sira terus mate , sira husi terus no susar harii Nasaun Repúblika Demokrátika Timor Leste (RDTL) ida ne’e” esplika Smith

 

Nia mos husu ba estadu atu tenke rekoiñese ema sira ne’ebé maka fo aan ba nasaun ida ne’e hodi sai Nasaun independensia, “ estadu nia obrigasaun maka tenke haree ba ema sira ne’ebé maka uluk didika sira aan ba rai ida ne’e hodi nune’e ikus mai ita hetan independesia, ne’e obrigatoriu estadu nian” tenik Nia.

 

“Partidu CNRT nian lema ka objetivu prinsipal maka oinsa dezenvolve rai ida ne’e no oinsa dezenvolve povu ida ne’e nia moris hodi jerasaun oin bele konsentra, no aban bain rua vida sosial  ida ne’ebé maka sai diak ida ne’e prinsipal Partidu CNRT nian” Virgilio haktuir

 

Vise Prezidente ne’e mos hateten tan katak Planu Estratéjiku Dezenvolvimentu Nasional (PEDN) ne’e planu sira ne’ebé maka uluk ita nian Prezidente Partidu promete iha ailaran ne’e inklui hotu iha laran ona, “Planu Estratéjiku Dezenvolvimentu Nasional (PEDN) ne’ebé foin dadauk aprova iha Parlamentu Nasional ne’e hanoin hotu-hotu ne’ebé maka itanian  Maun Boot Xanana uluk nia sei ailaran hanoin inlkui hotu iha laran ona” Smith hateten

 

Ikus liu Vise Prezidente Partidu CNRT hateten katak ita hakarak estabilidade ne’e la’o ho diak, harii unidade no paz iha rai laran tiu sira, tia sira ita mai hamutuk ho Xanana.

Babo: Partidu CNRT, Partidu Veteranu sira nian.

Wednesday, 21 September 2011 16:28
Written by M X 
Irabere- Partidu Kongresu Nasional Rekonstrusaun Timor Leste (CNRT) maiória ema veteranu sira maka tur iha estrutura nasional too baze.

Partidu Kongresu Nasional Rekonstrusaun Timor Leste (CNRT) hanesan mos CNRT ida uluk iha tempu rejistensia  tamba ema ne’e maka iha estrutura nia laran kuaze ema veteranu sira hotu deit inklui mos fundador CNRT uluk nian maka Maun Boot Xanana Gusmão.

 

“Estrutura Partidu Kongresu Nasional Rekonstrusaun Timor Leste (CNRT) nian husi nível nasional, distritu, sub-distritu, suku, no too aldeia sira 70% reprezenta husi veteranu sira” Sekjen, Dionisio Babo hateten ba jornalista sira iha Irabin Decima Sábadu kalan (17/09)

Sekretáriu jeral ne’e mos subliña liu tan katak Partidu CNRT hanesan ponte ida atu lori povu ida ne’e sai husi libertasaun pátria  ba prosesu libertasaun povu. “Tamba ne’e maka Partidu CNRT, Partidu veteranu sira nian, no Partidu CNRT mos hanesan ponte ka transisaun lori povu  ida ne’e sai husi libertasaun pátria  ba prosesu libertsaun  povu  ho ida ne’e maka ita haree  iha nasional hanesan Prezidente, Vise Prezidente sira 80% ema mesak veteranu deit” Babo subliña.

 

Partidu CNRT agora mos sei repzenta mudansa polítika sira ne’ebé maka uluk halo iha ailaran hodi duni okupsaun Indonézia sira, “ CNRT ida agora sei reprezenta mudansa polítika sira ne’ebé maka Maun Boot Xanana hamutku ho nian maluk sira uluk iha ailaran halo hanesan CNRR, ba CNRM, no ikus liu CNRT hodi duni sai okupante sira, CNRT ida agora mos uza mudansa polítika hodi luta ba dezenvolvimentu, luta ba korupsaun, no hasai povu husi kiak no mukit” Sekjen haktuir.

 

Sekjen ne’e mos hateten tan katak agora tempu ona atu hala’o ita nia dezenvolvimenut iha rai laran no tempu ona atu rekoprea hikas fali  susar no terus sira ne’ebé maka ita hetan iha rejistensia no kolonialismu nia laran.

TE: SG-ONU Kongratula Timor Leste liuhusi Lideransa Xanana Gusmão

Sekretáriu-Jerál  Nasoens Unidas (ONU), Ban Kimoon kongratula progresu kontínuu ne’ebé alkansa iha Timor-Leste liuhosi lideransa Primeiru Ministru, Kay Rala Xanana Gusmão nian.


Sekretariu Jeral ONU, Ban Kimoon afirma lia hirak ne’e wainhira halao enkontru ho Primeiru Ministru Kay Rala Xanana Gusmão, iha marjen Sesaun Asembleia Jerál nian ba dala 66, iha Nova Yorke, Tersa, loron 20, fulan Setembru 2011.

Tuir karta komunikadu ba imprensa ne’ebe Media UNMIT haruka ba redasaun Timor Expose via internet haktuir, Sorumutu Sekretáriu-Jerál no Primeiru Ministru diskuti kona-ba dezenvolvimentu sira foin lalais nian iha rai laran, inklui dialogu konstrutivyu entre líder nasionál sira iha loron 26, fulan-Jullu no preparasaun sira ne’ebé kontínuu ba eleisaun iha tinan 2012.

Sekretáriu-Jerál reitera Nasoins Unidas nia prontidaun ne’ebé kontínua atu fornese apoiu ba prosesu eleitorál tuir pedidu. Bainhira rekoñese kona-ba importánsia ba retomada responsabilidade polisiamentu hosi polísia nasionál (PNTL) iha loron 27, fulan-Marsu, Sekretáriu-Jerál subliña kona-ba UNMIT nia kompromisu atu kontinua serbisu hamutuk ho autoridade sira hodi haforsa liután PNTL nia kapasitasaun, formasaun no dezenvolvimentu institusionál.

Sekretáriu-Jerál no Primeiru Ministru hala’o revizaun liután kona-ba progresu ne’ebé hala’o hosi Governu no UNMIT iha prosesu planeamentu tranzisaun konjunta. (falcão)

Sekjen fo pose ba estrutura Partidu CNRT iha Suku Afaloika.

Tuesday, 20 September 2011 16:37 Written by M X

 Afaloikai- Sekretátiu Jeral Partidu Kongresu Nasional Rekonstrusaun Timor Leste (CNRT), Dionisio Babo fo pose ba estrutura Partidu CNRT iha Suku Afaloikai Subadistritu Uatucarbau Distritu Viqueque hodi kompleta estrutura Partidu nian iha baze.

Relasiona ho eleisaun jeral ne’ebé maka besik Partidu Kongresu Nasional Rekonstrusaun Timor Leste (CNRT), komesa halo konsolidasaun iha teirtóriu Timor laran ho sistema “door to door” tama sai aldeia sira teritóriu laran hodi monta estrutura Partidu nian atu alkansa objetivu iha tinan 2012.

Tuir Sekretáriu Jeral Partidu CNRT, Dionisio Babo hateten katak objetivu husi konsolidasaun no fo pose ba estrutura iha baze ne’e atu manan Vitoria iha eleisaun 2012. “Lideransa Partidu CNRT husi Nasional no hamutuk lideransa lokal suku rua  ne’e hodi konsolidasaun no prepara meta saida estrutura nasional too kraik atu esporsu aan manan vitória iha eleisaun jeral 2012” Dionisio Babo hateten ba jornalista Domingu (18/09/11)  iha Suku Afaloikai.

Bainhira Sekretáriu Jeral Partidu CNRT ne’e fo pose ba estrutura Partidu nian foun  iha Suku Afaloikai nia husu estrutura foun ne’e atu servisu liu tan iha baze no fo aan duni Partidu CNRT, “ hau husu ba ita boot sira ne’ebé tama iha estrutura Partidu nian no ita boot sira ne’ebé maka ohin simu tenke servisu maka’as liu tan no ema ida tenke dada ema nain rua hodi tama mai Partidu nia laran” tenik Sekjen.

Sekjen ne’e mos imforma tan katak lideransa Partidu husi nasional mai ko’alia ho estrutura Partidu nian no fahe programa governu nian liu-liu programa ne’ebé hanesan ho objetivu programa Partidu nian.

“Ami mai ko’alia ho estrutura Partidu CNRT nian iha baze nomos ami fahe imformasaun programa governu nian liu-liu programa sira ne’e iha relasaun ho objetivu  Partidu nian,

Primeiru ko’alia konaba objetivu sentral Partidu CNRT nian maka Dezenvolvimentu iha rai laran ne’ebé maka planu tiha ona iha Planu Estratéjiku Dezenvolvimentu Nasional (PEDN)” Sekjen Imforma.

Sekretáriu Jeral ne’e mos promete katak bainhira iha 2012 povu fo fiar ba Partidu CNRT la presiza atu tun ba kraik maibe atu implementa deit ona tamba antes ne’e Primeiru Ministru, Kay Rala Xanana Gusmão rasik maka konsulta ona ho povu sira iha teritóriu Timor laran tomak.

CIJTL: Militante Partidu Fretilin Afilia Ba Partidu CNRT

Written by Domingos Silva Tuesday, 20 September 2011 12:16

CJITL Eleisaun, Militante husi Partidu Fretilin ofisialmente deklara a’an hodi afilia ba Partidu Kongresu Rekonstrusaun Timor Leste-CNRT tanba hare ba lideransa no Programa Partidu ne’e nian.

Armindo da Silva nuudar Delegadu ba Partidu Fretilin  nian, iha Sábadu 17/9 kalan ofisialmente deklara a’an sai  husi Partidu Fretilin no hodi afila fali Partidu CNRT tanba nia hare ba programa Partidu CNRT nian maka bele halo dezenvolvimentu iha rai ne’e no Lideransa Partidu nian ne’e uluk kedas terus hamutuk  sira iha ailaran tempu okupsaun Indonézia.

 “Hau desidi Sai husi Partidu Fretilin Tanba hau hare programa Partidu CNRT maka diak liu no bele  halo mudansa ba dezenvolvimentu iha Timor Leste”dehan Armind da Silva iha Irabere.

Nia mos subliña liu tan katak lideransa úniku Xanana maka bele bele halo mudansa ba dezenvolvimentu rai ida ne’e “ hau haree so Xanana deit maka bele halo mudansa ba dezenvolvimentu iha rai laran tamba Xanana maka bele halo mudansa polítika bainhira iha tempu rejistensia laran hodi liberta rai ida ne’e.

Armindo Da Silva mos nudal Liurai Irabere-Afoloikai Distritu Viqueque husu ba nian familia sira no povu tomak  atu fo fiar ba Kay Rala Gusmão  atu  kaer ukun dala  ida tan iha eleisaun 2012.

“Hau husu ba Familia, no Povu tomakkatak iha eleisaun jeral 2012, ita hotu vota CNRT tanba Xanana maka herói ba Nasaun ida ne’e nian, no ba herói ba dezenvolvimentu” tenik Armindo.

Nune’e mos Sekretáriu Jeral Partidu CNRT, Dionisio Babo fo bem vindu ba Armindo da Silva ho nia Família tomak ne’ebé maka hakarak mai hamutuk ho CNRT hodi luta ba dezenvolvimentu Nasional.

TE: Xanana Gusmão Partisipa Aniversariu Asembleia Jeral ONU

Primeiru Ministru, Kay Rala Xanana Gusmão, Segunda (19/09) hala’o viajen bá iha Nova Iorke, Estadus Unidus hodi hola parte iha 66ª Asembleia Jerál Nasoens Unidas nian, nó durante Xanana Gusmão iha ne’ebá, Nia sei ko’alia kona-ba progresu ne’ebé mak Timór-Leste hetan ona.
 
Iha loron 20 fulan Setembru ne’e mós, primeiru ministru Timor-Leste sei hala’o diskursu nó Nia mós sei ko’alia kona-ba tema ne’ebé mak relasiona ho progresu ne’ebé mak Timór hetan ona, hanesan planu tranzisaun nian.

Primeiru Ministru afirma lia hirak ne’e ba Jornalista sira, molok atu halao viagen, hafoin halao sorumutu altu nivel nian ho Nasoens Unidas iha Palasiu Prezidensia, Aitaraklaran-Dili.

Xanana Gusmão hateten, nu’udar primeiru ministru, nia sei ko’alia iha oportunidade aniversariu Asemblei Jeral Nasoen Unidas kona-ba progresu balun ne’ebé iha ona nó nia mós sei ko’alia kona-ba akordu ne’ebé asina ona ba Planu Tranzisaun husi Misaun Integrada ONU nian, iha Timor-Leste. (falcao)